RAHOVECI PËR 2-0, YLLI PËR BARAZIM SERIE!

Prishtinë(AsistiOnline) – Gjatë ditës së sotme do të luhet ndeshja e dytë e serisë gjysmëfinale të ”play off”-it të Superligës së Kosovës mes Rahovecit dhe Yllit.

Në takimin e parë, Rahoveci pas një ndeshje dramatike mundi Golden Eagle Ylli 69:66 dhe do të mundohet të shënojë fitoren e dytë, për të qenë sa më afër finales, derisa therandasit pritet të mobilizohen dhe duan të fitojnë përballjen e dytë, në mënyrë që të barazojnë serinë gjysmëfinale, por edhe të marrin përparësinë e fushës.

Ndeshjet mes këtyre dy skuadrave kanë qenë shumë interesante në vitet e fundit dhe kështu pritet edhe në gjysmëfinale. Skuadra që shënon tri fitore do të kualifikohet në finale e madhe.

Ndeshja do të transmetohet direkt në Artmotion nga ora 17:00 e si zakonisht, rezultatin pas çdo çereku por edhe raportin final të ndeshjes do të mund ti gjeni në portalin e vetëm shqiptar, dedikuar ekskluzivisht basketbollit, AsistiOnline.com

/AsistiOnline.com/