YLLI ME FITOREN E DYTË RRESHT NDAJ RAHOVECIT I AFROHET FINALES

Prishtinë(AsistiOnline) – Golden Eagle Ylli është një fitore larg finales së madhe të ”play off”-it të Superligës së Kosovës.

Therandasit kanë arritur që të mposhtin Rahovecin në duelin e dytë rresht 77-68 dhe kështu i janë afruar finales së madhe të elitës kosovare.

Që në start, vendasit nga Theranda e nisën duelin më mirë duke fituar çerekun e parë 22-17, ndërsa e dominuan edhe të dytin 19-22 dhe shkuan në pushimin mes pjesëve me rezultat 43-32.

Në pjesën e dytë, Rahoveci tentoi maksimalisht rikthimin, duke e fituar çerekun e tretë ngushtë 19-22. Ndërsa në të fundin, arriti që në 2 minutat e fundit ta shkrijë atë deri në vetëm 1 pikë, por gjakftohtësia e Elyjah Clarkut bëri që Ylli të mos e lëshojë avantazhin(15-14) dhe ti gëzohet fitores.

Pikërisht, Clark ishte individi më i dalluar në fitoren e Yllit sonte me 25 pikë, 7 kërcime, 3 asiste e 3 vjedhje topash i ndihmuar edhe nga Gëzim Morina me double-double(17pk, 10krc) dhe Erjon Kastrati që shtoi 13 sosh.

Te Rahoveci s’mjaftuan për fitore, Ed Daniel me 19 pikë, Darrell Davis me 18 e Marvin Jones me 10 sosh.

Kjo fitore e afron Yllit në finale të Superligës, pasi tash i duhet vetëm edhe një triumf e edhe ndeshja e katërt e serisë luhet në Therandë(të dielën).

/AsistiOnline.com/