BEQIRAGIQ: NUK KA MBARUAR ASGJË, DUHEN 3 FITORE

Prishtinë(AsistiOnline) – Përkundër fitores së ekipit të tij në ndeshjen e parë finale të Superligës së Kosovës ndaj Pejës, Adis Beqiragiq nuk u pa aspak i relaksuar.

Tekniku boshnjak pas ndeshjes për ArtMotion, tha se skuadra e tij duhet ti fitojë 3 ndeshje nëse e do titullin dhe kjo fitore është vetëm një fillim.

“Duhet të fitojmë 3 ndeshje. Kjo është vetëm ndeshja e parë. Një fitore është në rregull normalisht, por kjo s’do të thotë asgjë. Ka qenë ndeshje e mirë në përgjithësi. Në fund, ne u treguam më të mirë dhe fituam”, tha Beqiragiq.

Ylli mposhti Pejën në ndeshjen e parë finale dhe mori avantazhin e serisë në 1-0 e skuadra që arrin tri fitore shpallet kampione e Kosovës. Ndeshjet zhvillohen me sistemin vajtje-ardhje(1-1-1-1-1).

/AsistiOnline.com/