SONTE JAZZ DHE GRIZLLIES ME NDESHJEN E RRADHËS, DIREKT NË ARTMOTION

Prishtinë(AsistiOnline) – Pas përballjes në mes LA Clippers dhe Dallas Mavericks e cila edhe hapi javën e transmetimeve në platformën Artmotion, tani radha i vie edhe duelit të dytë nga kjo javë, atij në mes Utah Jazz dhe Memphis Grizzlies, i cili fillon të martën duke nisur nga ora 03:30 dhe transmetohet drejtpërdrejt në Art Sport 1.

Deri më tani epërsinë në këtë seri e kanë skuadra e Utah të cilët pasi humbën ndeshjen e parë u rikthyen me dy fitore rresht për të kaluar në avantazh prej 2-1 në ndeshje e tani do jetë një mundësi e mirë për ta që të arrijnë edhe një fitore tjetër dhe të jenë vetëm një hap larg fazës gjysmëfinale të perëndimit. Nga ana tjetër nëse Memphisi do të barazonte serinë atëher çdo gjë do të bëhej e paparashikueshme për duelet 5, 6 dhe 7.

Mike Conley ishte fenomenal në duelin e fundit mes këtyre dy skuadrave duke dhuruar paraqitje tejet të mirë ndaj ish skuadrës së tij dhe duke qenë arsyeja kryesore e fitores, por mbetet të shihet a do të ndodh edhe këtë herë e njejta apo jo.

Utah, 5-shja e mundshme startuese:

Conley, Ingles, Bogdanovic, O’Neal, Gobert.

Memphis, 5-shja e mundshme startuese:

Morant, Bane, Brooks, Jackson, Valanciunis.

/AsistiOnline.com/