TRAJNERI LEGJENDAR – MIKE KRZYZEWSKI PO PENSIONOHET?

Prishtinë(AsistiOnline) – Trajneri legjendar i kolegjeve të basketbollit amerikan, por edhe i Kombëtares së kësaj të fundit, Mike Krzyzewski po pensionohet?

Sipas mediave amerikane, Mike Krzyzewski raportohet të ketë vendosur të përfundojë karrierën e tij pas edicionit të ardhshëm.

Trajneri që për një kohë të gjatë ka drejtuar kolegjin e madh amerikan, DUKE dhe ish-shefi i shtabit teknik të USA-së, Mike Krzyzewski ka marrë vendimin të tërhiqet pas sezonit 2021-2022, raportojnë mediat amerikane.

Pesë herë (1991, 1992, 2001, 2010, 2015) kampion i NCAA-së, Krzyzewski, është trajner i DUKE’s që nga viti 1980. Përveç titujve të NCAA, ka udhëhequr DUKE’n edhe në 12 turne të ”Final Four”-it ndërsa fitoi çmimin e trajnerit të vitit në kolegj në vitet: 1989, 1992 dhe 1999, por edhe shpërblime të tjera në aspektin ekipor dhe individual.

Krzyzewski ishte trajneri që ndihmoi në rivendosjen e statusit të ekipit kombëtar të SHBA-ve, si ekipi më dominues në garat e mëdha ndërkombëtare. Ai e mori detyrën në vitin 2005 dhe pas medaljes së bronztë të Kupës së Botës më 2006, SHBA fitoi vendin e parë në Lojërat Olimpike në vitin 2008, Kupën e Botës më 2010, Olimpiadën më 2012, Kupën e Botës 2014 dhe Olimpiadën më 2016.

/AsistiOnline.com/