DALLASI NË GJYSMËFINALE APO CLIPPERSI BARAZON, NDESHJA DIREKT NË ARTMOTION

Prishtinë(AsistiOnline) – Transmetimet e NBA në Artmotion vazhdojnë me ndeshjen e gjashtë të serisë në mes LA Clippers dhe Dallas Mavericks, të cilat deri më tani janë duke luajtur një seri fantastike mes tyre me ndeshje shumë të bukura dhe atraktive teksa rezultati është 3-2 me fitore në të mirë të Mavericks.

Ndeshja e gjashtë që nëse fitohet nga Dallasi do të ishte edhe e fundit dhe kjo skuadër do të kalonte në gjysmëfinale të perëndimit do të luhet mëngjesin e së shtunës me fillim nga ora 03:00 dhe do të transmetohet live dhe ekskluzivisht në Art Sport 1.

Luka Donçiq ka qenë fenomenal deri më tani në këtë seri derisa dueli mes tij dhe tandemit Leonard-George pritet të jetë përcaktues edhe për këtë sfidë interesante mes tyre.

Clippers, 5-shja e mundshme startuese:

Jackson, George, Leonard, Morris, Zubac.

Dallas, 5-shja e mundshme startuese:

Doncic, Hardaway Jr, Finney-Smith, Powell, Marjanovic.

/AsistiOnline.com/