CSKA-JA DHE EFESI SHFAQIN INTERESIM SERIOZ PËR TEODOSICIN

Prishtinë(AsistiOnline) – Edhe pse stinori i fundit ka pak kohë që ka përfunduar, skuadrat e Euroligës janë duke menduar menjëherë për edicionin e ardhshëm.

Mediat evropiane shkruajnë se dy skuadrat e mëdha, ajo ruse CSKA Moska dhe kampioni aktual, Anadolu Efesi, janë hedhur në ‘gjah’ për ta transferuar në ekip, Milos Teodosicin.

Fundori serb që sivjet shkëlqeu me ekipin e madh italian, Virtus Bologna, duke e fituar titullin e kampionit të Italisë me ta, është në radarin e sidomos kampionit aktual të Euroligës, Anadolu Efes.

Me largimin eventual të Micicit, por edhe Larkinit drejtë NBA-së, forcimi i ekipit do të ishte i detyruar në këtë pozitë dhe si duket për Atamanin, Teodosic është zgjidhja më e mirë.

Njësoj edhe tek CSKA-ja(ku Teodosic ka luajtur edhe më parë) që ka mbetur pa Mike Jamesin i cili u transferua te Brooklyn Nets në Euroligë dhe rusët po vuajnë për një organizator e si duket, Teodosic po mendohet si zgjidhje e problemit nga tekniku i moskevitëve, Dimitri Itoudis.

Teodosic përfundoi sezonin e kaluar me 14.4 pikë dhe 6.6 asistime për ndeshje te Virtusi.

/AsistiOnline.com/