ATLANTA FANTASTIKE PËRMBYS PHILLYN DHE I AFROHET FINALES!

Prishtinë(AsistiOnline) – Skuadra e Atlanta Hawks është treguar fantastike në ndeshjen e pestë të serisë gjysmëfinale të konferencës me Philadelphian.

Ekipi i Nate McMillan ka arritur të përmbysë epërsinë e madhe të Philadelphias nga pjesa e parë(26 pikëshe) dhe në pjesën e dytë i ktheu gjërat në favorin e vet për ta fituar ndeshjen 106-109.

Trae Young me 39 pikë e 7 asiste, ishte larg më i miri në fitoren e dytë rresht të kësaj serie për Atlantan,, ndihmuar edhe nga John Collins me 19 pikë e 11 kërcime.

Te Philly s’mjaftuan për fitore, Joel Embiid me 37 pikë e 13 kërcime e as Seth Curry me 36 pikë të tjera.

Me këtë fitore, Hawks e merr avantazhin e serisë gjysmëfinale të Lindjes me Philadelphian në 3-2 dhe ndeshja e gjashtë mes tyre zhvillohet më 19 qershor nga ora 01:30 pas mesnate.

/AsistiOnline.com/

https://www.youtube.com/watch?v=yQRiVrXP5xE