SERI SPEKTAKOLARE NGA CLIPPERS, KALOJNË NË FINALE TË PERËNDIMIT

Prishtinë(AsistiOnline) – Skuadra e LA Clippers është treguar fantastike në serinë gjysmëfinale të Perëndimit me Utah Jazzin.

Edhe pse ishin duke humbur 2-0 në këtë seri, skuadra e Tyronn Lue arriti të përmbysë gjithçka dhe me katër fitore rresht, kaloi në finale të perëndimit.

Gjatë mesnatës Clippers arritën të mposhtin Jazzin në ndeshjen vendimtare me rezultat 131-119 dhe kështu siguruan një vend në finale konferenciale.

Terance Mann me plotë 39 pikë, shpërtheu në këtë duel për Clippers, ndihmuar edhe nga Paul George me 28 pikë.

Te Jazz s’mjaftuan për fitore, Donovan Mitchell me 39 pikë, 9 kërcime e 9 asiste e as Jordan Clarkson me 21 pikë.

Në finale të perëndimit Clippers do të ndeshen me Phoenix Sunsin e ndeshja e parë zhvillohet më 20 qershor nga ora 21:30 me kohën tonë.

/AsistiOnline.com/

https://www.youtube.com/watch?v=25tHXH1UjhQ