Prishtinë(AsistiOnline) – Pas një stinori tejet të suksesshëm, ekipi i Ness-Ziona dhe ish-selektori i Kosovës, Brad Greenberg kanë ndarë rrugët.
Skuadra izraelite ka njoftuar sot se me trajnerin Greenberg, janë marrë vesh që të ndërpresin bashkëpunimin pas një periudhe tejet të suksesshme që kishin sivjet.
67 vjeçari nga New Yorku, sivjet drejtoi ekipin izraelit në ”play off” të ligës kombëtare dhe në fitimin e kompeticionit prestigjioz evropian, FIBA Europe Cup.
Greenberg udhëhoqi me Përfaqësuesen e Kosovës për dy vite (2017/18).
/AsistiOnline.com/
