EDHE SAMI HAJZERI PRITET TË TRANSFEROHET TE PEJA

Prishtinë(AsistiOnline) – Gjatë ditës së djeshme, AsistiOnline.com raportoi ekskluzivisht për rikthimin e Arian Qallakut te Peja, derisa sot ju njoftojmë edhe për një transfer të rradhës.

Sipas asaj që ka mësuar AsistiOnline, edhe basketbollisti tjetër me prejardhje nga Peja, Sami Hajzeri pritet të rikthehet te klubi i vendlindjes, Peja.

Basketbollisti që dallohet për mbrojtjen e tij të fortë në veçanti, në edicionin e fundit ishte pjesë e Rahovecit tek të cilët në 27 ndeshje luajti me mesatare, 2.1 pikë e 1.4 kërcime për ndeshje.

Të kujtojmë se Hajzeri gjatë karrierës së tij ka mbrojtur ngjyrat edhe të skuadrave si, Besa, Vëllaznimi, Borea, Dukagjini-Klinë dhe Feronikeli.

/AsistiOnline.com/