PAS LARGIMIT NGA BARÇA, CLAVER RIKTHEHET NË KLUBIN E FËMIJËRISË

Prishtinë(AsistiOnline) – Basketbollisti i Barcelonës për pesë sezone rresht, Victor Claver është ndarë me klubin katalunas dhe ka gjetur menjëherë angazhim të ri.

Qendra 206 centimetërshe është rikthyer në klubin ku nisi gjithçka si lojtar profesionist.

Victor Claver do të kthehet në klubin e Valencias, skuadra ku ai filloi karrierën e tij dhe kaloi gjashtë vitet e para të karrierës(2006-12) njoftoi sot vetë klubi në fjalë.

Claver me Barçën këtë edicion luajti me mesatare, 2.3 pikë e 1.9 kërcime për ndeshje, derisa së bashku fituan Ligën dhe Kupën e Spanjës dhe arritën në finale të Euroligës.

32 vjeçari nga Valencia ka karrierë edhe në NBA te Portland TraiBlazers (2012/15), Khimki Moscow e Lokomotiv Kuban (Rusi).

/AsistiOnline.com/