KOSOVA U-20 FEMRAT SOT ZHVILLOJNË NDESHJEN E RRADHËS NË EVROPIAN

Gjatë ditës së sotme, vashat e Kosovës U-20 do të përballen me Luksemburgun në kuadër të FIBA U20 Women’s European Challengers, që po zhvillohet në Shkup të Maqedonisë Veriore.

Për vashat e Kosovës kjo do të jetë ndeshja e dytë në këto gara, pas humbjes nga Sllovakia me shifrat 71:38, kurse Luksemburgu hyn pas dy ndeshjeve, një fitore dhe një humbje. Luksemburgu fitoi ndaj Maqedonisë Veriore me shifrat 55:79 dhe pësoi nga Sllovakia 47:67.

Ndeshja fillon nga ora 17:00 dhe transmetohet në YouTube.

Pas këtij takimi, Kosova të shtunën do të ndeshet me Rumaninë dhe të dielën ndaj Maqedonisë Veriore.

/FBK/