EKSKLUZIVE: ALTIN MORINA PRITET TË MBETET TE RAHOVECI

Prishtinë(AsistiOnline) – Basketbollisti prizrenas, Altin Morina pritet të mbetet edhe për një stinor tjetër te Rahoveci.

Burime të AsistiOnline.com të afërta me klubin ‘vreshtar’ kanë treguar se drejtuesit e klubit janë marrë vesh për të vazhduar bashkëpunimin për së paku edhe një stinor e kjo ujdi pritet të bëhet zyrtare gjatë ditëve në vijim.

Morina te Rahoveci luan prej dy vitesh dhe në stinorin e fundit me ‘vreshtarët’ ka pasur mesatare prej 8.8 pikëve, 5.6 kërcimeve e 5.1 asisteve për ndeshje.

Sipas asaj që ka raportuar AsistiOnline.com ditë më parë ekskluzivisht, Rahoveci e ka vazhduar bashkëpunimin edhe me trajnerin, Fotis Takianos e ka dërguar ofertë serioze edhe në drejtim të Musab Malës, por ky i fundit ka edhe oferta të tjera dhe për këtë marrëveshja po stagnon.

/AsistiOnline.com/