KAMPIONI SHTON NË SKUADËR LEON NEZIRIN

Prishtinë(AsistiOnline) – Kampioni aktual i Kosovës, Golden Eagle Ylli e ka shtuar në skuadër një basketbollist mjaftë të talentuar.

Therandasit kanë njoftuar sot se kanë arritur marrëveshje bashkëpunimi me lojtarin që është i lindur dhe rritur në Britaninë e Madhe.

21 vjeçari me prejardhje nga Prishtina në edicionin e fundit ishte pjesë e skuadrës elitare angleze ”Plymouth Raiders” tek të cilët luajti në 7 ndeshje me mesatare 0.6 pikë e 0.4 kërcime për ndeshje.

Basketbollisti që luan në rolin e organizatorit, para karrierës profesioniste ka marrë pjesë në kampe të ndryshme serioze në Angli dhe ajo që vlen të ceket është kampi i ish-basketbollistit të NBA-së Loul Deng, ku ai kishte arritur të futej në mesin e top-20 basketbollistëve më të mirë dhe perspektivë në Angli.

Ylli deri më tani ka shtuar në skuadër edhe dyshen tjetër vendore, Mikaile Tmusiq e Ardit Pepaj, derisa ka zyrtarizuar edhe tre lojtarë të huaj, Barret Benson, Rashun Davis e Tamas Bruce e ka vazhduar bashkëpunimin me timonierin e ekipit, Adis Beqiragiq.

/AsistiOnline.com/