EKSKLUZIVE: BAS DËSHIRON EKIP SUPERIOR TE PEJA, MERR PLEJMEJKERIN NGA SUPERLIGA E TURQISË

Prishtinë(AsistiOnline) – Njëra prej skuadrave më të trofeshme në basketbollin e Kosovës, KB Peja pritet që edhe sivjet të jetë prej kandidatëve kryesor për trofe.

Pas prezantimit të trajnerit dhe disa transfereve vendore, skuadra e Pejës ka shtuar në skuadër edhe një basketbollist shumë kualitativ dhe pejanët duket se tash janë të vendosur për emra të mëdhenjë.

Sipas asaj që ka mësuar ekskluzivisht AsistiOnline.com, skuadra e Pejës ka arritur marrëveshje bashkëpunimi me organizatorin turk, Erdem Ilter – 1.88cm.

Në fakt edhe mediat turke gjatë këtyre ditëve e kishin përmendur marrëveshjen e mundshme mes Pejës dhe Ilter e gjithë këto spekulime i konfirmon edhe ndjekja e lojtarit në Instagram me trajnerin e Pejës dhe drejtorin sportiv të klubit.

Sa i përket karrierës së lojtarit, Ilter gjithë karrierën e tij e ka zhvilluar në basketbollin turk në ekipe si: Bursaspor, Akhisar, Fethiye etj.

Në edicionin e fundit, 31 vjeçari i lindur në Bursa u paraqit me Fethiyen në elitën turke dhe  vlejnë të ceken paraqitjet e tij kundër kampionit të Evropës, Anadolu Efesit dhe ndaj Galatasarayt.

Ilterin e karakterizon loja e tij organizative dhe asistimet e shumta që ai bën për bashkëlojtarët e sigurisht që përvoja e tij e madhe pritet të sjellë siguri të madhe në organizimin e lojës së pejanëve këtë stinor.

/AsistiOnline.com/