KOSOVA SONTE MUND TA SHKRUAJË PËRSËRI HISTORINË!

Kohë për pushim nuk ka. Vashat e Kosovës A pas fitores dramatike ndaj Qipros 70:68, sonte nga ora 18:00 përballen me Luksemburgun në kuadër të Kampionatit Evropian për Shtete të Vogla, ku Dardanet po marrin pjesë për herë të parë.

Për Kosovën kjo është ndeshja e dyta në grupe, njëkohësisht edhe e fundit, kurse për Luksemburgun e para, derisa të enjten do të përballet me Qipron. Dy kombëtaret e para të Grupit kualifikohen në gjysmëfinale. Në Grupin tjetër bëjnë pjesë Irlanda, Malta dhe Andorra.

Nëse Kosova shënon fitore do të kualifikohet në gjysmëfinale e që kjo di ishte historike sepse për herë të parë po luajnë në nivel ndërkombëtar, në të kundërt duhet të presë edhe sfidën e së enjtes Luksemburgu-Qipro për të mësuar ‘fatin’ e saj.

Basketbollistet e Kosovës tashmë janë liruar nga presioni i së përballjes së parë dhe nën udhëheqjen e shtabit teknik do të përgatiten për sfidën e dytë.

Kjo është hera e parë që Kosova A merr pjesë në një garë ndërkombëtare.

/FBK/