KOSOVA U-20 MPOSHTET THELLË EDHE NGA NIKOQIRI I TURNEUT!!

Prishtinë(AsistiOnline) – Edhe një humbje e thellë ka ardhur sot për Kosovën e meshkujve U-20 që ka pësuar nga Hungaria në European Challengers të grupit E.

Nikoqiri i turneut, Hungaria e ka mposhtur Kosovën në qytetin e Sopronit me rezultat 46-92.

Sa i përket rrjedhës së duelit, nuk kishte ndonjë histori me vendasit që dominuan tërë takimin dhe nuk e rrezikuan fitoren për asnjë çast e fitorja në fund erdhi natyrshëm.

Te Kosova në këtë disfatë të thellë sonte vetëm Shëndrit Llapi arriti pikë dyshifrore, gjithsejt 10 sosh e më së afërmi tyre ishte Don Polloshka që shtoi 7.

Te Hungaria në triumf spikatën, Adam Krasovec me 16 e Bence Neuwirth me 14 pikë.

Ndeshjen e rradhës në këtë Evropian, Kosova e zhvillon nesër ndaj Sllovakisë nga ora 18:00.

/AsistiOnline.com/