FRANCA MBYLL GRUPIN ME FITORE

Prishtinë(AsistiOnline) – Franca e ka mbyllur fazën e grupeve në Lojërat Olimpike me fitore.

Ashtu siç e kishin nisur francezët edhe  e mbyllën këtë fazë me fitore, por sot ndaj Iranit me rezultat 62-79.

Thomas Heurtel me 16 pikë, Timothe Luwawu-Cabarrot me 12, si dhe Nando DeColo e Vincent Poirier me nga 10 sosh, u dalluan në këtë fitore të francezëve.

Te Irani që me këtë duel e mbylli aventurën në Lojërat Olimpike, lojë të mirë shfaqën Hamed Haddadi me 18 pikë e 12 kërcime dhe Arsalan Kazemi që shtoi 11 pikë.

Franca në fazën grupore kaloi me 3 fitore nga po aq ndeshje të luajtura dhe kalon në çerekfinale, derisa Irani eliminohet pa asnjë fitore.

/AsistiOnline.com/