BIBL KONFIRMON RIKTHIMIN E PEJËS NË LIGËN E TYRE

Prishtinë(AsistiOnline) – Liga Ballkanike e ka konfirmuar sot rikthimin e skuadrës së Pejës në garat e veta.

Nëpërmjet një njoftimi të shkurtër, faqja zyrtare e garës i ka uruar mirëseardhje ekipit pejan në rikthim.

Të kujtojmë se Peja për herë të fundit ishte pjesë e BIBL para dy vitesh, madje e kishte fituar të drejtën e organizimit të “final four”-it, por që gjithçka ishte anuluar shkaku i përhapjes së pandemisë covid-19.

Ekipi pejan veçse ka bërë disa lëvizje në merkato, duke emëruar trajnerin e ri që do ti prijë skuadrës, Shemsetin Bash, derisa ka afruar në skuadër lojtarët, Erdem Ilter, Daniel Lekndreaj, Arian Qallaku, Mirlind Zekaj e Sami Hajzeri e ka paralajmëruar edhe zyrtarizime të tjera.

/AsistiOnline.com/