NEW BASKETI ZYRTARIZON EDHE MAKASQIN
Prishtinë(AsistiOnline) – Skuadra e New Basketit vazhon të përforcohet për edicionin e ri që po vjen në Ligën e parë.
Prizrenasit që deri tani janë treguar ekipi më serioz për të kërkuar elitën, kanë njoftuar se kanë shtuar në skuadër basketbollistin vendor, Gazzali Makasqi.
”I lindur më 29 gushtë të 2000-tës dhe i gjatë 188cm, Gazzali Makasqi është përforcimi ynë i rradhës. Pas një pushimi të shkurtër ai përsëri rikthehet në parket për të përforcuar klubin tonë. Gazzi luan në pozitën e organizatorit. Ai njihet si një lojtarë goditës, është një krijues i shpejtë i lojës dhe është një lojtarë atletikë. Ai së fundmi ishte pjesë e KB Bashkimit. Mirësevjen Gazzi”, thuhet në njoftimin e klubit nga Prizreni.
Makasqi më herët ka qenë pjesë edhe e Përfaqësueses së Kosovës (U18) e cila nën-menagjimin e Ibrahim Karabegut e kishte fituar Divizionin C në vitin 2018.
/AsistiOnline.com/
Komentet janë të mbyllura.