NJË TRAJNER TURK NË KRYE TË AKADEMISË SË PEJËS!

Prishtinë(AsistiOnline) – Skuadra e e Pejës në këtë edicion do të udhëheqet nga trajneri turk, Semsettin Bas e planet e klubit duket se janë edhe më të gjera.

AsistiOnline.com ka mësuar se verdhezinjët kanë afruar në skuadër edhe një ndihmës trajner që do ti asistojë Basit në punë, por njëkohësisht do të luajë edhe rolin e drejtuesit të akademisë së klubit.

Bëhet fjalë për Ali Çilingir i cili në Turqi njihet për përgatitjet individuale të lojtarëve dhe AsistiOnline.com ka kontaktuar me trajnerin në fjalë, për të mësuar se çfarë roli do ketë ai në klubin e Pejës.

”Unë do jem ndihmës-trajner te Peja, do të bëj parapërgatitjet e lojës dhe do e luaj rolin e trajnerit në trajnimet e zhvillimit individual. Përpos kësaj do të punoj edhe si trajner i akademisë së klubit me lojtarët e rinjë”.

Por cilat janë qëllimet e tij si trajner i akademisë së Pejës?

”Sigurisht që unë kam ardhur me disa qëllime këtu. Planet e mija afatmesme dhe afatgjata janë ngritja e lojtarëve për ekipin e parë dhe arritja e më shumë fëmijëve kosovarë në basketboll, këto gjëra besoj që do të realizohen”, shprehet ai.

Krejt në fund, trajneri turk tregon se sa ka kontratë me Pejën për këto plane.

”Unë kam kontratë për një vit me klubin e Pejës, por mendoj se do të punojmë më shumë sepse për gjërat e mira mund të na duhet më shumë kohë, por pastaj rezultatet janë të dukshme besoj”.

/AsistiOnline.com/