EKSKLUZIVE: MANUEL TREVOR PËRFORCIMI MË I RI TE PRIZRENI16

Prishtinë(AsistiOnline) – Skuadra e Prizrenit16 e ka shtuar në skuadër edhe një lojtar të huaj.

Sipas asaj që ka mësuar ekskluzivisht AsistiOnline.com, skuadra e drejtuar nga trajneri karizmatik, Arbnor Rifati, ka arritur marrëveshje bashkëpunimi me qendrën amerikane, Manuel Trevor.

Trevor do të vije te prizrenasit si zëvendësim i Tyran Walkerit i cili për shkaqe shëndetësore nuk do të mund ti bashkangjitet ekipit bardhezi.

25 vjeçari i gjatë 2.08 centimetra në edicionin e fundit është paraqitur me ekipin nga elita qipriote, ”ETHA” tek të cilët në 10 ndeshje ka luajtur me double-double mesatare 11.2 pikë e 11.1 kërcime për ndeshje.

Ekipi i Prizrenit ka kompletuar tash katërshen e lojtarëve të huaj me Isaiah Johnson, Courney Fells e Nick Weatherspoon, derisa ka vazhduar kontratat me Arti Hajdarin, Urim Zenelajn, Blend Matoshin e Qëndrim Ajazajn dhe ka transferuar Rilind Krasniqin nga Ylli.

/AsistiOnline.com/