DRITA E RIKTHYER PËRBALLË PRISHTINËS, HAPIN SOT STINORIN E RI

Prishtinë(AsistiOnline) – Ditën e sotme hapet edhe zyrtarisht edicioni i ri në ArtMotion Superligën e Kosovës në Basketboll.

Drita dhe Prishtina e hapin edicionin e ri të basketbollit kosovar me një ndeshje që pritet të jetë interesante, pavarësisht faktit që Drita deri tani e ka kryer vetëm një transfer të huaj.

Gjilanasit këtë edicion kanë siguruar elitën në basketbollin e Kosovës, por që deri tani janë përforcuar me vetëm një lojtar të huaj e janë në pritje të tre të tjerëve.

Derisa prishtinasit këtë edicion kanë ambicie më të mëdha se atë të kaluar, edhe pse edicionin e kaluar fituan Kupën dhe Superkupën me disa transfere vendore dhe të huaja i synojnë përsëri sukseset.

Kjo sfidë luhet sonte nga ora 19:00 dhe transmetohet direkt në Platformën ArtMotion.

Si zakonisht më të rejat para ndeshjeve, rezultatin për çdo çerek, por edhe raportet e ndeshjeve do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

Takimet në elitën e basketbollit do të zhvillohen pa shikues dhe me masa strikte, për shkak të pandemisë me Covid 19.

/AsistiOnline.com/