EKSKLUZIVE: KY LOJTAR I HUAJ NË PROVA TE RAHOVECI

Prishtinë(AsistiOnline) – Skuadra e Rahovecit duket se nuk është e kënaqur me njërin prej lojtarëve të huaj që ka aktualisht në përbërje.

Kjo për faktin se sipas asaj që ka mësuar AsistiOnline.com, ‘vreshtarët’ e kanë angazhuar në prova disa ditore një lojtar të ri të huaj.

Josh Greene mund të mbetet te Rahoveci në rast se i bind drejtuesit e shtabit teknik se vlen dhe se mund të japë kontribut të shquar për ekipin.

Por kush është Josh Greene?

Basketbollisti në fjalë ka shtetësi amerikane dhe luan në pozitat 2-3, derisa është i gjatë 185 centimetra.

Greene ka pas vetes një karrierë tejet të bujshme, për faktin ka luajtur në Francë(Le Havre), Suedi(Sodertalje, Umea, Wetterbygden), Hungari(Sopron), Gjermani(Karlsruhe), Itali(Matera, Jesi, Piacenza).

Skuadra e tij e fundit ka qenë, ”Umea” në elitën suedeze me të cilët në 34 ndeshje kishte pasur mesatare prej 10.9 pikëve, 2.7 asisteve e 1.6 kërimeve.

Mbetet të shihet nëse ky lojtar do të bind me cilësitë e tij për të mbetur te Rahoveci, pasiqë stërvitjet vetëm se është duke i zhvilluar me ‘vreshtarët’.

/AsistiOnline.com/