ZYRTARE: FOTIS TAKIANOS LARGOHET NGA RAHOVECI

Prishtinë(AsistiOnline) – Skuadra e Rahovecit ka mbetur pa trajnerin e deritanishëm të ekipit, Fotis Takianos.

AsistiOnline.com ka mësuar eksluvisht se tekniku grek është ndarë me skuadrën ‘vreshtare’ pas rezultateve të dobëta në këtë fillim stinori të basketbollit kosovar, derisa lajmi është konfirmuar tashmë edhe nga faqja zyrtare e klubit.

Ende nuk dihet nëse Takianos është shkarkuar apo ka dhënë vetë dorëheqje, por atë tashmë nuk do të mund ta shohim në bankinën e Rahovecit.

Të kujtojmë se 52 vjeçari e mori drejtimin e klubit ‘vreshtar’ në stinorin e kaluar dhe pas rezultateve tejet të mira me ta, kishte vazhduar bashkëpunimin edhe për sivjet.

Të shohim gjatë orëve në vijim se cilët do të jenë hapat që do ti ndërrmarrin drejtuesit e klubit të Rahovecit për të kaluar krizën e madhe sidomos të rezultateve që i kanë aktualisht.

/AsistiOnline.com/