KOLJEVIQ SJELL FITOREN PËR PRIZRENIN 16 NË DERBIN LOKAL NDAJ BASHKIMIT

Prishtinë(AsistiOnline) – Prizreni 16 e ka fituar përballjen me rivalin lokal, Bashkimin në kuadër të xhiros së gjashtë në ArtMotion Superligën e Kosovës.

Skuadra bardhezi ka triumfuar ndaj asaj portokallinje me rezultat të ngushtë 71-65.

Ivan Koljeviq ishte figurë tragjike për Bashkimin sonte, pasiqë sidomos me shënimet nga distanca e vendosi fatin e duelit.

Prizreni 16 ishte skuadra që i fitoi tri perioda sonte(19-18, 17-10, 18-14), derisa Bashkimi e fitoi të tretin(17-23), por nuk mjaftoi për triumf e në fund Prizreni 16 i’u gëzua fitores.

Cuditërisht vetëm dy basketbollistë arritën pikë dyshifrore në triumfin e Prizrenit 16 sonte, Ivan Koljeviq me 24 e Courney Fells me 20 sosh.

Te Bashkimi s’mjaftuan për fitore, Julien Lewis me 20 pikë, Anton Kazarnovski me 12 e Avi Toomer me 11 sosh.

Në xhiron e rradhës, Prizreni 16 i shkon Sigal Prishtinës e Bashkimi e pret RC Cola Dritën.

/AsistiOnline.com/