DACI DEBUTON SUKSESSHËM NË ELITËN TURKE

Prishtinë(AsistiOnline) – Basketbollistja kosovare, Saranda Daci ka debutuar suksesshëm në elitën turke gjatë vikendit që lamë pas.

Daci që sivjet u transferua te skuadra e Bursasporit ka zhvilluar 20 minuta në parket në humbjen dramatike të ekipit të saj nga ”Antalya 07” 75-76, duke pasur performancë të suksesshme me 6 pikë, 5 kërcime, 4 asiste e 1 vjedhje topi.

Të kujtojmë se qendra 190 centimetërshe ka fituar gjithçka që mund të fitohet në basketbollin e Kosovës me Bashkimin, Penzën e Prishtinën.

Përpos ekipeve, Daci në verën që lamë pas u paraqit edhe me Përfaqësuesen A të Kosovës në Kampionatin Evropian për shtetet në zhvillim, duke qenë lojtarja e tretë e turneut që pati më së shumti pikë(56), për katër ndeshje të luajtura.

/AsistiOnline.com/