RAPTORS FITOJNË DUELIN MË DRAMATIK TË NATËS NË NBA

Prishtinë(AsistiOnline) – Dueli më dramatik i mbrëmjes në NBA i ka takuar Torontos që ka mposhtur Orlandon.

Skuadra kanadeze e Nick Nurses ka fituar me vetëm një pikë diferencë ndaj ‘magjikëve’ të Orlandos 109-110 me Cole Anthony që kishte rastin t’ia fitonte ndeshjen skuadrës së tij, por dështoi nga vija e treshit 2 sekonda para fundit dhe fitorja i takoi Torontos.

Scott Barnes me 21 pikë e 9 kërcime dhe Gary Trent me 19 pikë, spikatën në këtë fitore dramatike të Raptors, derisa te Orlando s’mjaftuan Cole Anthony me 24 pikë e Jalen Suggs me 21 sosh.

Pas gjashtë xhirove në NBA, Raptors kanë 3 fitore e 3 humbje, ndërsa Magic kanë vetëm 1 fitore e 5 disfata.

Në xhiron e rradhës, Toronto përballet me Indianën e Orlando ndeshet me Detroitin.

/AsistiOnline.com/