PRIZRENI 16 ARRIN FITOREN E PARË NË LIGËN UNIKE

Prishtinë(AsistiOnline) – Prizreni 16 ka arritur të sigurojë fitoren e parë të stinorit në Ligën Unike.

Skuadra nga qyteti i lashtë i Prizrenit, ka triumfuar në transfertë ndaj Tiranës me rezultat 81-93.

Prizreni i fitoi dy periodat e para të ndeshjes ngushtë(19-20, 21-27) dhe shkoi në pushim me avantazh prej 7 pikëve dallim 40-47.

Derisa në pjesën e dytë çereku i tretë i takoi Tiranës 23-17 e Prizreni 16 u rikthye shpejtë te loja e mirë, duke e fituar periodën vendimtare 18-29, duke siguruar fitoren e parë në këtë garë.

Performuesit më të mirë në këtë fitore meritore të Prizrenit 16 sonte ishin, Courney Fells me double-double 31 pikë, 11 kërcime, 5 asiste e 3 vjedhje topash, Ivan Koljeviq me 15 pikë, Rilind Krasniqi me 13 pikë, Arti Hajdari me 12 e Michael Green me 11 sosh.

Të dyja skuadrat tash kanë nga 1 fitore e 1 humbje në Ligën Unike.

Në xhiron e ardhshme, Prizreni 16 e pret Rahovecin, gjersa Tirana ndeshet me Vllazninë.

/AsistiOnline.com/