TEUTA MPOSHT YLLIN, S’KA SKUADËR TË PAMPOSHTUR NË LIGËN UNIKE!

Prishtinë(AsistiOnline) – Teuta e ka fituar duelin e fundit të xhiros së tretë në Ligën Unike, duke e mposhtur Yllin.

Durrsakët kanë triumfuar ndaj Yllit në Shqipëri me rezultat të ngushtë, por shumë të vlefshëm.

Ylli e nisi më mirë këtë sfidë duke e fituar çerekun e parë 15-21, derisa në vazhdim të ndeshjes, Teuta u tregua shumë më e vëmendshme, duke e fituar fillimisht çerekun e tretë 22-19 e më pas edhe të tretin e të katërtin(19-13, 22-19) dhe siguroi fitoren me meritë.

Plotë gjashtë basketbollistë arritën pikë dyshifrore në fitoren e vendasve sonte, Kristi Gorea(16), Frenki Lilaj(15), Tyler Peterson(14), Tamas Bruce(12), Mitchell Pelissier(11) e Cameron Satterwhite(10).

Te Ylli ishin të pamjaftueshëm për fitore, Gëzim Morina me 19 pikë, Erjon Kastrati me 17, si dhe Mikaile Tmusiq e Brandon Randolp me nga 15 pikë secili.

Pas xhiros së tretë në Ligën Unike edhe Teuta edhe Ylli kanë nga dy fitore e nga një humbje.

Derisa në xhiron e rradhës, Teuta i shkon Kamzës e Ylli ndeshet me Rahovecin.

Vlen të ceket se nga kjo xhiro, nuk ka skuadër të pamposhtur në Ligën Unike, pasiqë sonte u mposhtën edhe Ylli edhe Kamza.

/AsistiOnline.com/