LOJTARËT ME TË ARDHME TË NDRITUR TE PEJA [LISTA]

Prishtinë(AsistiOnline) – Shpalosjen e basketbollistëve të rinjë dhe perspektivë nëpër skuadrat kosovare sot po e vazhdojmë me ekipin e Pejës në të cilin gjithmonë kanë defiluar lojtarë cilësorë ndër vite.

AsistiOnline.com ka vendosur që këta basketbollistë të rinjë ti shpalos më shumë te publiku, duke krijuar profile të shkurtëra për ta dhe aktivitetin që e zhvillojnë përgjatë kohës sa qëndrojnë në parket.

Aktualisht janë tre basketbollistë të rinjë te Peja që po ftohen në 12shen e nxehtë për ndeshjet zyrtare, Albin Berisha, Sokol Nila e në ndeshjen e fundit edhe Meriton Gashi. Tek pejanët ka pasur edhe lojtarë të tjerë të rinjë perspektivë që kanë qenë pjesë e tyre deri sivjet(Ermal Bojku, Valtrim Kastrati, Mirza Muriq), por duke parë rosterin e zgjeruar të verdhezinjëve me lojtarë të huaj, kanë vendosur të ndërrojnë ambient.
________________________________________________________________________

19 vjeçari, Albin Berisha i gjatë 185 centimetra dhe që luan në pozitën e organizatorit është lojtari i ri që më së shumti ka minutazhë te Peja sivjet. 7.5 minuta për ndeshje, 0.9 pikë, 0.4 asiste, 0.4 kërcime e 0.6 topa të vjedhur në 7 ndeshje. Organizatori i së ardhmes te Peja luan me licencë të dyfishtë edhe te klubi tjetër pejan, KB Borea që garon në Ligën e parë. Vlen të ceket se djaloshi nga Peja ka qenë edhe pjesë e gjeneratave të reja te Kosova.

Sokol Nila është djaloshi tjetër i ri te Peja që si 18 vjeçar sivjet nuk ka munguar asnjëherë në 12shen e Pejës në të gjitha garat. Nila është i gjatë 1.85 centimetra dhe luan në pozitat 1 / 2, gjersa në duelin e fundit të pejanëve në Ligën Unike luajti për 3 minuta, por që nuk arriti të realizojë. Në të ardhmen Nilën shumë lehtë mund ta shohim si bartës të lojës tek verdhezinjët.

Së fundmi në rosterin e Pejës është integruar edhe djaloshi i ri 17 vjeçar, Meriton Gashi i cili ka një gjatësi përmbi 200 centimetra dhe për 2 minuta lojë në duelin ndaj Kamzës në Ligën Unike i realioi 2 pikë dhe tregoi se ka potencial të madh, nëse veç punohet me të.