VAZHDON NGRITJA E TEUTËS, FITORJA E TRETË RRADHAZI NË UNIKE

Prishtinë(AsistiOnlina) – Teuta e ka shënuar sonte fitoren e tretë rresht në Ligën Unike.

Ekipi durrësak ka triumfuar ndaj Kamzës në ”Dhimitraq Goga” me rezultatin final 102-111.

Ishte kjo një ndeshje shumë interesante me Kamzën që e mbylli pjesën e parë me epërsi 5 pikëshe(55-50), por në të dytën gjërat ndryshuan, Teuta u këndell dhe e fitoi ndeshjen.

Pesë basketbollistë arritën pikë dyshifrore në fitoren e durrësakëve sonte, Tamas Bruce(33), Frenki Lilaj(19), Tyler Peterson e Mitchel Pelissier nga 18 dhe Cameron Saterwhite(12).

Derisa te Kamza s’mjaftuan për fitore, Gerard Davis me 37 pikë e 10 kërcime, Abrian Edwards me 24 pikë, Reece Brooks me 22 pikë e Niko Thano me 12 sosh.

Pas xhiros së katërt në Unike, Teuta ka tre fitore dhe 1 humbje e Kamza tash ka dy humbje e 2 fitore.

Në xhiron e ardhshme, Teuta e pret Tiranën e Kamza i shkon Yllit.

/AsistiOnline.com/