FANTASTIKE: DEA PUSHKOLLI NËNSHKRUAN KONTRATË ME KOLEGJIN AMERIKAN NGA NCAA1

Prishtinë(AsistiOnline) – Arritjet e sportistëve nga Kosova e konkretisht atyre nga basketbolli, vazhdojnë të zgjerohen nëpër botë dhe të na bëjnë krenarë të gjithëve.

I tillë është edhe rasti i Dea Pushkollit e cila doli si produkt nga basketbolli kosovar dhe tash e tutje do të luajë në njërën prej ligave më të forta të basketbollit në Shtetet e Bashkuara të Amerikës, NCAA1.

18 vjeçarja nga Prishtina, zyrtarisht ka nënshkruajtur kontratë me një kolegj profesionist amerikan ”Univeristy of Duquesne Lady Dukes” i cili ndodhet në Pittsburgh të Pensilvanisë dhe bën gara në ligën e basketbollit ”NCAA Divizion 1. Ata luajnë në konferencën e Atlantikut 10.

Dea tashmë ka nënshkruajtur kontratën me kolegjin në fjalë dhe është shprehur shumë e lumtur me zgjedhjen që ka bërë, sepse AsistiOnline.com ka mësuar poashtu se ajo ka pasur edhe gjashtë oferta të tjera nga Divizioni NCAA1, por që ka vendosur për këtë zgjedhje.

AsistiOnline.com në vijim ju sjellë edhe një ngjarje kronologjike të fillimeve të karrierës së Deas e cila tashmë po i prek ëndrrat e saj në basketboll:

Dea hapat e parë në basketboll kishte filluar ti marrë në njërën prej shkollave të suksesshme të basketbollit në Prishtinë, ”M-Junior” që drejtohet nga ish-basketbollisti e tash trajneri i suksesshëm, Bekim Maxhuni. Derisa vlen të ceket se ajo ka bërë punë të madhe intenzive edhe me dy trajnerët e rinjë perspektivë, Roni Ahmatovic dhe Egzon Uka e që më pas, para nisjes për në Shtetet e Bashkuara të Amerikës ka luajtur një kohë edhe për KBF Prishtinën dhe gjeneratat e reja të saj. Përpos garave vendore, Dea ka qenë edhe pjesë edhe e gjeneratave të reja të Përfaqësueses së Kosovës. Pas përvojave në dhe me Kosovën, ajo u zhvendos në SHBA ku e vazhdoi karrierën në shkollat e basketbollit atje e krejt në fund tash, ku ka kaluar në nivele profesioniste dhe të mëdha të basketbollit amerikan.

AsistiOnline.com i dëshiron fat dhe suksese të mëdha në karrierën e saj të madhe që tash veçse e ka nisur dhe synon ta ketë shumë të pasur. Dea me të vërtetë është shembulli më i mirë i gjeneratave të reja te femrat, por edhe meshkujt që duan të merren me basketbollin në Kosovë.

/AsistiOnline.com/