LIGA UNIKE MBETET PA DREJTORIN E SAJ, DREN ZATRIQI JEP DORËHEQJE

Prishtinë(AsistiOnline) – Drejtori i deritanishëm i Ligës Unike, Dren Zatriqi ka dhënë dorëheqje nga pozita që mbante në këtë kompeticion.

Nëpërmjet një njoftimi në llogarinë e tij në Facebook, Zatriqi ka njoftuar se ka dhënë dorëheqje nga kjo pozitë që mbante, pa dhënë ndonjë arsyje konkrete.

Në vijim gjeni të plotë njoftimin e tij për largimin nga Liga Unike:

”Me Ligën Unike u njoftuam në një periudhë të papërshtatshme. Pa dashjen time e më së paku të saj, qe në fillim u sfiduam me armikun më të pamëshirshëm, pandeminë! Megjithatë, si shumë barriera tjera të cilat na janë imponuar ndër shekuj padrejtësisht, ne e sfiduam edhe atë. Nuk u ndalem asnjëherë dhe e arritëm qëllimin tonë që të ofrojmë basketboll në një Ligë të përbashkët , e cila sot më nuk është vetëm ëndërr, mirëpo një realitet i bukur për shumë gjenerata të reja. Ky muaj do të shënoj fundin e angazhimit tim në Ligën Unike, mirëpo asnjëherë përfundimin e dashurisë të pashtershme për këtë projekt dhe basketboll. Përherë mirënjohës ndaj krerëve të Federatave Nacionale (FSHB & FBK-themelues të Liges Unike) dhe Bordit Drejtues për mundësinë dhe besimin e dhënë, skuadrave pjesëmarrëse për bashkëpunim, zyrtarëve të ndeshjeve për korrektësi, partnerëve dhe mediave për mbështetje, stafit që më kanë duruar, si dhe të gjithë atyre që ishin dhe janë mbështetës të rrugëtimit të Ligës Unike.

I juaji,