XHIRO E 11-TË HAPET SONTE ME DERBI NË KRYEQYTET

Prishtinë(AsistiOnline) – Xhiro e 11-të e ArtMotion Superligës së Kosovës starton sot me një derbi tejet të nxehtë.

Kampionja e shumëfishtë e Kosovës e pret në kryetqytet, kampionin aktual të vendit, por edhe të Ligës Unike.

Sigal Prishtina që në xhirot e fundit ka arritur të gjejë formën e saj të mirë, sonte në kryeqytet e pret Golden Eagle Yllin që poashtu në xhirot e fundit ka formë tejet të mirë dhe të dyja ekipet i ndanë vetëm një pozitë në tabelë(Ylli-2, Prishtina-3).

Kjo super-përballje fillon sonte nga ora 17:00 dhe transmetohet në Artmotion.

Si zakonisht të rejat para dhe pas ndeshjes, pesëshet startuese, rezultatin pas çdo çereku, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/