PEJA DHE TREPÇA SFIDOHEN SONTE NË ”KARAGAÇ”

Prishtinë(AsistiOnline) – Njëra prej përballjeve kryesore të xhiros së 11-të në ArtMotion Superligë, padyshim që zhvillohet sonte.

Në ”Karagaçin” e nxehtë, pejanët luajnë ndaj Trepçës që sivjet ka formë fantastike.

Deri tani, verdhezinjët kanë gjashtë fitore dhe katër humbje, kurse mitrovicasit kanë tetë fitore dhe dy humbje, duke qenë liderë të tabelës e natyrisht që sonte na pret ndeshje e zjarrtë.

Kjo super-përballje fillon sonte nga ora 19:00 dhe transmetohet në Artmotion/ArtSport.

Si zakonisht të rejat para dhe pas ndeshjes, pesëshet startuese, rezultatin pas çdo çereku, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/