TRESHJA E JACKSONIT VENDOSI, GRIZZLIES TRIUMFOJNË NDAJ JAZZ

Prishtinë(AsistiOnline) – Ndeshja më interesante e mbrëmjes në NBA u zhvillua në ”Vivint Smart Home Arena” të Utahit Jazzit.

Në këtë sfidë, mysafirët nga Memphisi e mposhtën Utah Jazzin me rezultat minimal 118-119 dhe atë falë një treshe të Jaren Jacksonit, 5 sekonda pa u mbyllur ndeshja e në aksionin vijues të Jazz, Donovan Mitchell dështoi nga gjysmëdistanca dhe ndeshja nuk shkoi në vazhdime.

Ja Morant ishte i shkëlqyer në këtë fitore të madhe të Grizzlies me 32 pikë, 7 asiste e 4 kërcime, derisa u ndihmua edhe nga Desmond Bane me 28 pikë e Jaren Jackson me 26 sosh.

Te ‘gjezerët’ nuk mjaftuan për fitore, Bojan Bogdanovic me 24 pikë e Rudy Gobert me 23 pikë e 13 kërcime.

Ishte kjo fitorja e 9 sezonale për Grizzlies karshi 8 humbjeve, derisa Jazz kanë 11 fitore e 6 humbje.

/AsistiOnline.com/