Prishtinë(AsistiOnline) – Njëri prej lojtarëve më të rëndësishëm te Kosova, Drilon Hajrizi po shihet tejet optimist për duelin e nesërm ndaj norvegjezëve.
Në një video-prononcim për AsistiOnline.com direkt nga Bergeni, Hajrizi ka thënë se me ekipin kombëtar kanë punuar shumë mirë dhe nëse gjithçka shkon sipas planit, beson se do të dalin pas ndeshjes me fitore.
”Unë po ndihem shumë mirë gjithashtu edhe stërvitjet kanë shkuar shumë mirë, kemi stërvitur me ekip në mënyrën më të mirë të mundshme, gjithçka ka shkuar sipas planit dhe ka shkuar shumë mirë. Ndërsa sa i përket kundërshtarit, më shumë jemi fokusuar në veten tonë, kështuqë shpresoj ti implementojmë ato të cilat jemi marrë vesh para lojës dhe shpresoj që do të dalim me fitore. Gjithashtu një falenderim të veçantë për të gjithë shqiptarët të cilët jetojnë këtu në Norvegji të cilët kanë shprehur gadishmërinë për të ardhur dhe për të na përkrahur masovikisht në këtë ndeshje”, u shpreh Hajrizi.
/AsistiOnline.com/
