SKUADRAT E KRYEQYTETEVE SHQIPTARE, HAPIN XHIRON E PARË TË UNIKES SË FEMRAVE

Prishtinë(AsistiOnline) – Sot do jetë një ditë e veçantë për basketbollin mbarëshqiptar pasi debuton me ndeshje Liga Unike e femrave.

Dueli i parë i xhiros ka rastisur të jetë ai në mes të dy skuadrave nga kryeqytetet shqiptare, Tiranë dhe Prishtinë.

KBF Tirana dhe KBF Prishtina takohen sonte në sallën e sporteve ”Asllan Rusi” në Tiranë për të hapur xhiron e parë të Ligës Unike.

Të dyja ekipet po gëzojnë formë tejet të lartë në kampionatet vendore, ku Tirana ka bilanc prej 4 fitoresh e 1 humbje, derisa Prishtina ka 7 fitore nga po aq ndeshje.

Kjo përballje fillon sonte nga ora 17:00, derisa për transmetimin e saj ende nuk është paralajmëruar asgjë.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/