YLLI FITON NDAJ KAMZËS DHE MERR KREUN E LIGËS UNIKE

Prishtinë(AsistiOnline) – Humbja e Teutës nga Tirana dhe fitorja e tyre ndaj Kamzës ka bërë sonte që kreu i Ligës Unike të ndryshojë.

Therandasit kanë fituar sonte në shtëpi ndaj Kamzës me rezultat mjaftë të thellë 89-75.

Ekipi i Yllit e kishte avantazhin nga fillimi e deri në fund, duke fituar dy periodat e para(30-21, 22-9), çereku i tretë i takoi Kamzës(16-24) e i fundit u mbyll baraz(21-21).

Pesë basketbollistë arritën pikë dyshifrore në këtë fitore të therandasve sonte, Erjon Kastrati(17), Mikaile Tmusiq(16), Cameron Williams(14), Ardit Pepaj(13) e Gëzim Morina(13).

Te Kamza, Gerard Davis kishte 17 pikë e Niko Thano 15 sosh.

Pas xhiros së pestë, Ylli bëhet lider i Ligës Unike me 4 fitore e 1 humbje. Derisa, Kamza gjendet e 6-ta me 2 fitore e 3 humbje.

Në xhiron e ardhshme, Kamza i shkon Rahovecit e Ylli Tiranës.

/AsistiOnline.com/