EKSKLUZIVE: “FINAL FOUR” I LIGËS BALLKANIKE PRITET TË MBAHET NË PRISHTINË

Prishtinë(AsistiOnline) – Një ngjarje e madhe e basketbollit rajonal pritet që të mbahet gjatë vitit 2022 në Prishtinë.

AsistiOnline.com ka mësuar ekskluzivisht se skuadra e Sigal Prishtinës pritet që të aplikojë për mbajtjen e “Final Four”-it të Ligës Ballkanike dhe me shumë gjasa edhe do ta fitojë këtë organizim.

Ndeshjet e “Final Four”-it të BIBL-së për këtë edicion do të përbëhen nga dy ndeshje gjysmëfinale, ndeshje për vendin e tretë dhe finalja e madhe. Në rast se dy ekipe nga i njëjti shtet kualifikohen në “Final Four”, ato do të ballafaqohen kundër njëra-tjetrës në gjysmëfinale.

Sigal Prishtina sivjet po garon në grupin B të BIBL-së dhe aktualisht ka tri fitore e dy humbje.

/AsistiOnline.com/