VIDEO LAJM: ASISTI 474 – KOMPLET

Adhurues të basketbollit,

AsistiOnline edhe këtë javë ju sjell komplet ASISTIN me analizat dhe përmbledhjet e gjitha ligave kryesore të Kosovës dhe atyre mbarëkombëtare shqiptare, gjegjësisht Ligës Unike për meshkuj dhe Femra.

Temë speciale e ASISTIT 474: të ftohtit polar që po mbretëron në palestra . Asistuesi i juaj Agon Fehmiu kritikon dhe i bënë thirrje urgjente Federatës së Basketbollit të Kosovës dhe menagjuesve të palestrave, përkatësisht kryetarëve të komunave të Prizrenit, Pejës dhe Therandës që t’i japin fund acarit dhe temperaturave arktike në palestra, duke bërë një gjë të thjeshtë: lëshuar ngrohjen në to.

Agoni rikujton ASISTAT e viteve të para kur trajtoheshin temat banale si: pikja e palestrave kur binte shi dhe ndërpriteshin ndeshjet apo kur flitej për acarrin dhe temperaturat polare në salla.

“Po t’më kishte thënë dikush se 20 vjet më vonë ende kam me fol për këto banalitete, e kisha quajtur të çmendur” deklaroi në emisionin 474 të ASISTIT Agon Fehmiu i cili theksoi se është tmerr që 21 vjet pas përfundimit të luftës, 10 minutat e para të ASISTIT duhet t’i shpenzoj duke folur për këso çështje banale.

Shoqërimin ASISTIN 474 është edhe një fluturim i bukur nëpër gjithësinë basketbollistike, me përmbledhjet dhe analizat e detajuara nga Liga Unike e meshkujve dhe femrave, Artmotion Superliga dhe Superliga e Femrave, Liga e Parë e Meshkujve dhe natyrisht, Liga Ballkanike ku Sigal Prishtina përfaqëson Kosovën.

Ajka vjen në fund: top aksionet e javës me shumë befasi dhe laramani, si kurrë më parë.

Adhurues të basketbollit, KËNAQUNI me ASISTIN 474 dhe  sikurse thotë Agoni:  “zemrat tuaja le t’i ngroh dashuria për basketboll.”