TEUTA SHPARTALLON VLLAZNIZË NË DURRËS

Prishtinë(AsistiOnline) – Teuta e ka fituar lehtë përballjen ndaj Vllaznisë në xhiron 7 të Ligës Unike.

Ekipi durrësak ka mposhtur lehtë dhe thellë Vllazninë e me rezultatin përfundimtar 94-57.

Ndeshja nuk kishte fare histori me vendasit që dominuan nga fillimi e deri në fund(25-12, 20-7, 27-20, 22-18) e triumfi erdhi natyrshëm e pa lodhje të madhe. Derisa Vllaznia vazhdon të mos kalojë formë të mirë këtë edicion.

Komplet pesëshja startuese e Teutës shkëlqeu sonte me pikë dyshifrore, Cammeron Satterwhite(20), Tamas Bruce(19pk, 10krc), Tyler Peterson(16) dhe Frenki Lilaj e Kristi Gorea(11).

Te Vllaznia, Robert Shestani kishte 19 pikë e Devante Cooper 17 sosh.

Bregdetarët nga Durrësi e mbyllin stinorin vjeshtor në Ligën Unike në pozitën 4 me 4 fitore dhe 3 humbje e 11 pikë në tabelë. Derisa, Vllaznia mbetet e fundit me 1 fitore e 6 humbje dhe 8 pikë të grumbulluara.

Tash skuadrat shkojnë në pushimin mes gjysmëstinorëve dhe edicioni pranveror starton më 15/16 janar 2022.

/AsistiOnline.com/