MBYLLJE PERFEKTE E VITIT, FITORJA E PESTË RRADHAZI PËR PRISHTINËN NË BIBL

Prishtinë(AsistiOnline) – Sigal Prishtina e ka mbyllur me fitore të madhe stinorin vjeshtor dhe vitin 2021 në Ligën Ballkanike.

Kryeqytetasit nga Kosova kanë triumfuar sonte në Plovdiv të Bullgarisë ndaj Academic Plovdivit me rezultatin final 74-78.

Prishtina e nisi më mirë ndeshjen duke e fituar çerekun e parë 10-15, derisa i dyti ju takoi ngushtë vendasve 22-21 e pjesa e parë u mbyll me 4 pikë diferencë në favorin e Prishtinës 32-36.

Vendasit e nisën pjesën e dytë pak më mirë se Prishtina, duke fituar çerekun e tretë 21-18, ndërsa Prishtina e fitoi periodën vendimtare  21-24, duke e fituar me meritë ndeshjen.

Tre basketbollistë shënuan pikë dyshifrore te Prishtina në fitore sonte, Dachon Burke 21, Wendell Mitchell 17 dhe Biram Faye 16.

Te Academic Plovdivi u dalluan, Nemanja Besovic me 12 pikë e Tomislav Minkov me 11 sosh.

Ndeshjen e rradhës në BIBL, Prishtina e zhvillon me 10 janar 2022 ndaj Ibrit në Rozhajë.

/AsistiOnline.com/