EKSKLUZIVE: TREPÇA NË BISEDA TË AVANCUARA ME KËTË QENDËR TË FUQISHME

Prishtinë(AsistiOnline) – Skuadra e Trepçës që në vjeshtë ishte prej ekipeve më rivalizuese në basketbollin e Kosovës, do të bëjë ndryshime në roster për stinorin pranveror.

AsistiOnline.com ka arritur të mësojë ekskluzivisht se mitrovicasit tashmë janë hedhur në ”gjah” për tu përforcuar dhe janë afër marrëveshjes me një lojtar që ka përvojë të madhe.

Ryan Wright është emri i basketbollistit që është afër nënshkrimit me mitrovicasit.

Lojtari në fjalë është i gjatë 206 centimetra dhe ka përvojë të madhe me skuadra të ndryshme nëpër botë, derisa ekipi i tij i fundit ka qenë ”Yugra Surgut” nga Superliga e Rusisë.

Përpos Rusisë, Wright ka luajtur edhe në ligat e këtyre shteteve: Turqi (Ormanspor), Ukrainë (Cherkaski Mavpy), Poloni (Włocławek), Venezuelë(Trotamundos), Meksikë(Soles), Finlandë (Kataja dhe Lahti), Hungari (Szombathely dhe Szolnoki), Kanada (River Lions dhe Ottawa Blackjacks), Bullgari (Levski Sofia) etj.

Mbetet të shihet ditëve në vijim se cilat do të jenë rezultatet e tërë këtyre bisedimeve mes Trepçës dhe basketbollistit kanadez dhe AsistiOnline do t’ju mbajë të informuar për to.

/AsistiOnline.com/