SONTE NXEHTË NË ”MINATORI”, HAPET STINORI PRANVEROR ME DUELIN E TË FORTËVE

Prishtinë(AsistiOnline) – Me një super-ndeshje sonte hapet stinori pranveror i ArtMotion Superligës së Kosovës në Basketboll.

Dy skuadrat që ndajnë vendin e parë me pikë të barabarta, Trepça dhe Golden Eagle Ylli, takohen sonte në ”Minatori”, për të kërkuar fitoren e cila do i largonte me pikë në maje.

Në vjeshtë dy skuadrat kanë grumbulluar nga dhjetë fitore dhe katër humbje dhe poashtu në përballjet direkte secila ka nga një fitore ndaj tjetrës e kjo sigurisht që paralajmëron spektakël të madh.

Sfida fillon nga ora 19:00 dhe transmetohet në Platformën Artmotion (KSport3).

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/