PËRBALLJE E FORTË SOT NË KRYEQYTET, PRISHTINA E PRET PEJËN

Prishtinë(AsistiOnline) – Kryendeshja e xhiros së 16-të e elitës kosovare zhvillohet sot.

Dy skuadrat më të trofeshme në basketbollin tonë, Sigal Prishtina dhe Peja ndeshen në kryeqytet për të kërkuar fitoren e madhe.

Prishtinasit kanë tetë fitore dhe shtatë humbje, kurse pejanët dhjetë fitore e pesë humbje, andaj pritet një përballje shumë rivalizuese në kryeqytet, siç ka ndodhur edhe në takimet e mëparshme mes këtyre dy skuadrave. Në përballjet e këtij edicioni, të dy skuadrat shënuan nga një fitore si mysafire ndaj njëra-tjetrës.

Super-sfida fillon nga ora 17:00 dhe transmetohet në ArtSport 1 dhe KLAN KOSOVA.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/