SOT BASHKIMI E PRET PRISHTINËN NË ”SEZAI SURROI”

Prishtinë(AsistiOnline) – Sonte mbyllet xhiro e 17-të e ArtMotion Superligës së Kosovës me një ndeshje shumë interesante në program.

Dy rivalët e vjetër, Bashkimi dhe Prishtina takohen në ”Sezai Surroi” për të kërkuar fitoren.

Të dy skuadrat aktualisht kanë nga tetë fitore dhe tetë humbje, andaj pritet një përballje e barabartë mes skuadrave me traditë në basketbollin e Kosovës.

Sfida fillon nga ora 17:00 dhe transmetohet direkt në Art Sport 1 si dhe Klan Kosova.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

Të ju kujtojmë se Peja-Rahoveci dhe Prizreni 16-Golden Eagle Ylli nuk do të luajnë këtë fundjavë dhe rezultatet do të barten nga Liga Unike.

/AsistiOnline.com/