SONTE DERBI EDHE TE SUPERLIGA E FEMRAVE

Prishtinë(AsistiOnline) – Një duel shumë interesant pritet që sonte të zhvillohet edhe në Superligën e Femrave.

Bëhet fjalë për sfidën në mes të Prishtinës dhe Bashkimit që luhet në kryeqytet.

Deri tani, vashat prishtinase kanë shënuar 13 fitore në 13 ndeshje të zhvilluara, duke qenë skuadra e vetme në elitë pa humbje, kurse prizrenaset kanë nëntë fitore e katër humbje, ku së fundi shënuan fitore ndaj Penzës.

Përballja pritet të jetë shumë interesante, duke marrë parasysh rivalitetin e madh mes këtyre dy skuadrave, që kanë shumë ambicie në këtë edicion, derisa ndeshja do të transmetohet në Art Motion me fillim nga ora 19:00.

/AsistiOnline.com/